लांजा:-तालुक्यातील कोट ब्राह्मणवाडी येथील चिरेखाणीवरून ३० हजार रुपये किंमतीची पॉलीकॅप कंपनीची सहा एम एम गोलाईची वायर अज्ञात चोरट्याने १६ डिसेंबर सायंकाळी ६ ते १७ डिसेंबर रात्री ८.१५ वाजण्याच्या दरम्याने चोरून नेल्याप्राकरणी लांजा पोलीस ठाण्यात अज्ञात चोरट्यावर गुन्हा दाखल करण्यात आला आहे.
या घटनेप्रकरणी नंदकुमार दिनकर नेवाळकर (वय ४८, राहणार कोट ब्राह्मणवाडी) यांनी लांजा पोलीस ठाण्यात फिर्याद दाखल केली आहे. त्यांनी केलेल्या तक्रारीनुसार, त्यांचा कोट येथे चिरेखाण व्यवसाय असून तेथील खाणीतून पॉलीकॅप कंपनीची सहा एम एम गोलाईची थ्री कॉलरची डबल कोटेड तांब्याची वायर अज्ञात चोरट्याने १६ ते १७ डिसेंबर या कालावधीत मशीनला जोडलेली केबल कोणत्यातरी हत्याराने कट करून शंभर मीटर लांबीचे दोन तुकडे चोरून नेले आहेत.
या प्रकरणी नंदकुमार नेवाळकर यांनी लांजा पोलीस ठाण्यात तक्रार दाखल केल्यानंतर पोलिसांनी अज्ञात चोरट्यावर भा.दं.वि कलम ३७९ प्रमाणे गुन्हा दाखल केला आहे. याप्रकरणी अधिक तपास सहाय्यक पोलीस निरीक्षक प्रवीण देशमुख हे करत आहेत.
लांजात चिरेखाणीवरून पॉलीकॅप कंपनीची वायर चोरीला, अज्ञातावर गुन्हा
