चिपळूण : ग्राहकांना अखंडित व दर्जेदार वीजपुरवठा होण्यासाठी विद्युत यंत्रणेची नियमित देखभाल-दुरूस्ती आवश्यक असते. ग्राहकसेवेसाठी उपकेंद्र सदैव सज्ज ठेवण्यासाठी चिपळूण विभागातील चिपळूण ग्रामीण उपविभागाच्या ३३/११ केव्ही पाचाड, शिरगाव व धामनंद उपकेंद्रात ‘एक दिवस-एक उपकेंद्र’ ही मोहिम राबविण्यात आली.
उपकेंद्र परिसरातील स्वच्छतेसह पॉवर ट्रान्सफॉर्मरची ऑईल पातळी तपासणी, आयसोलेटरचे ऑईलिंग व ग्रिसिंग, बॅटरी देखभाल, ११ फिडरचे जंप बदलणे, उपकेंद्र आर्थिंगचे काम इ. तांत्रिक कामे करण्यात आली. कार्यकारी अभियंता श्री.कैलास लवेकर यांच्या मार्गदर्शनाखाली उपकार्यकारी अभियंता श्री. सचिन पाटणकर, सबंधित शाखा अभियंता यांच्या सुचनेनुसार जनमित्र, यंत्रचालक यांनी उपकेंद्रातील कामकाज केले.
चिपळूणच्या पाचाड, शिरगाव, धामनंद उपकेंद्रात एक दिवस-एक उपकेंद्र मोहिम संपन्न
