चिपळूण:-तालुक्यातील कळंबस्ते-मेटकरवाडी येथील 19 वर्षीय तरुणाने रेल्वेखाली झोकून देत आत्महत्या केल्याची घटना मंगळवारी सकाळी 7.15 वाजण्याच्या सुमारास कळंबस्ते येथे घडली. आत्महत्या त्याने कोणत्या कारणातून केली हे पुढे आलेले नाही. सिध्देश राजाराम शिगवण (19, कळंबस्ते-मेटकरवाडी) असे आत्महत्या केलेल्या तरुणाचे नाव आहे. याबाबतची खबर रोहित बाबासाहेब पाटील (रेल्वे पोलीस) यांनी दिली आहे.
सिध्देश याने कोचिवली ते चंदीगड जाणाऱ्या केरळ संपर्कक्रांती एक्स्पेस रेल्वेखाली कळंबस्ते येथे आत्महत्या केली. या घटनेची माहिती चिपळूण पोलिसांना समजल्यानंतर ते घटनास्थळी गेले होते. याप्रकरणी चिपळूण पोलीस स्थानकात आकस्मिक मृत्यूची नोंद करण्यात आली आहे. सिध्देश याने ही आत्महत्या कोणत्या कारणातून केली असावी हे कारण पुढे आलेले नाही. बाबत चिपळूण पोलीस तपास करत आहेत.
चिपळुणात 19 वर्षीय तरुणाची रेल्वेखाली आत्महत्या
