राजापूरात नेत्र तपासणी शिबीराला उत्स्फुर्त प्रतिसाद

ॲड.जमिर खलिफे आणि इन्फिगो आय केअर हॉस्पिटलचे आयोजन

राजापूर: राजापूरचे माजी लोकनियुक्त नगराध्यक्ष अॅड. जमीर खलिफे आणि इन्फिगो आय केअर हॉस्पिटल रत्नागिरी यांच्या संयुक्त विद्यमाने आयोजित करण्यात आलेल्या मोफत नेत्र तपासणी शिबिराला उस्फुर्त प्रतिसाद लाभला.

शहरातील एसटी पिकअप शेड सभागृहात रविवारी झालेल्या या शिबीराचा शुभारंभ माजी आमदार सौ.हुस्नबानू खलिफे यांच्या प्रमुख उपस्थितीत करण्यात आला. यावेळी माजी नगराध्यक्ष अॅड. जमीर खलिफे, काँग्रेसचे माजी तालुकाध्यक्ष व माजी नगरसेवक सुभाष बाकाळकर, निखील कोठारकर यांच्यासह इन्फिगो आय केअरचे मंगेश पावसकर, केतन गुरव, अपेक्षा घाडी, सुशिल कांबळे, प्रांजली टेमकर आदी उपस्थित होते.

या शिबीरामध्ये राजापूर शहरासह ग्रामीण भागातील नागरीकांनीही डोळ्यांची तपासणी करून घेतली. शिबीरा दरम्यान राजापूर पत्रकार संघाचे अध्यक्ष नरेंद्र मोहीते, जेष्ठ पत्रकार महेश शिवलकर यांच्यासह पत्रकार विनोद पवार, राजेंद्र बाईत, माजी नगरसेविका सौ.स्नेहा कुवेसकर, काँग्रेसचे नाना कुवेसकर यांनी भेट दिली. शिबीर यशस्वी करण्यासाठी शैबाज खलिफे, संदेश जाधव, सतिश बंडबे, राकेश कातकर यांनी मेहनत घेतली.