रत्नागिरी:-रत्नागिरी येथे दि. 5, 6 ऑगस्ट रोजी 25 वर्षांखालील वयोगटाच्या जिल्हास्तरीय क्लासिकल बुद्धिबळ स्पर्धेचे आयोजन करण्यात येणार आहे. रत्नागिरी जिल्हा बुद्धिबळ विकास कार्यक्रमांतर्गत होणारी ही दुसरी क्लासिकल स्पर्धा आहे.
रत्नागिरी मधील डिलाईट इंडस्ट्रीज यांचे प्रायोजकत्व स्पर्धेला लाभले आहे. जिल्हा बुद्धिबळ संघटनेच्या मान्यतेने शहरातील मॅजिक स्क्वेअर चेस अकॅडमीमध्ये ही स्पर्धा घेतली जाणार आहे. आंतरराष्ट्रीय क्लासिकल बुद्धिबळाच्या नियमांनुसार स्विस लीग पद्धतीने स्पर्धा आयोजित केली जाईल. स्पर्धेत खुल्या व विविध गटांमध्ये रोख रक्कम व इतर उत्तेजनार्थ स्वरूपात बक्षिसे देण्यात येणार आहेत. रत्नागिरी जिह्यातील युवा बुद्धिबळपटूंना क्लासिकल प्रकारात बुद्धिबळ खेळण्याची ही चांगली संधी आहे. स्पर्धेत प्रवेश मर्यादित असून जिल्ह्यातील प्रथम नाव नोंदविणाऱ्या 32 खेळाडूंनाच स्पर्धेत सहभाग घेता येईल. स्पर्धेत नाव नोंदविण्यासाठी चैतन्य भिडे 8087220067, मंगेश मोडक 9405352356, विवेक सोहनी 9422474546 यांचेशी संपर्क साधण्याचे आवाहन करण्यात आले आहे.
