चिपळूण:-मुंबई-गोवा महामार्गावरील कापसाळ येथील गोसावी बाबा एस.टी. थांबा येथे दोन दुचाकींची समोरासमोर धडक बसून अपघात झाल्याची घटना मंगळवारी घडली. यात महिला दुचाकीस्वार जखमी झाली.
सुनीता दत्ताराम खरात (कामथे, धनगरवाडी), तर अशोक बेंडकर (पाग) असे जखमी झालेल्यांची नावे आहेत. खरात यांचा दूध विक्रीचा व्यवसाय असून त्या चिपळूणहून महामार्गाने कामथेच्या दिशेने जात होता. यावेळी त्या कापसाळ येथील गोसावी बाबा येथील एस.टी. थांबा येथे आल्या असताना अशोक बोंडकर व त्याच्या दुचाकीची समोरासमोर धडक बसली. यात खरात गंभीर जखमी झाल्या, तर बोंडकर यांना किरकोळ दुखापत झाली. जखमींना तत्काळ कामथे रुग्णालयात नेण्यात आले.
