मुबंई/उदय दणदणे:-लोकशाहीर स्वर्गीय तुकाराम मानकर यांचे जन्मस्थळ गाव भोपली पेण, माणगाव, रायगड येथे त्यांच्या जन्मस्थानी लोकशाहीर स्व.तुकाराम मानकर यांचा प्रति पुतळा अनावरण व्हावा यासाठी निधी संकलन करण्याचे त्यांचे शिष्य गण प्रयत्न करत आहेत.याच शुद्ध हेतूने शनिवार ,दिनांक-५ ऑगस्ट २०२३ रात्रौ.८:३० वा. साहित्य संघ मंदिर गिरगाव (मुबंई) येथे मंडळाच्या वतीने शक्ती -तुरा (जाखडी नृत्य) कार्यक्रम आयोजित करण्यात आले आहे.शक्तीवाले शाहीर:सूर्यकांत काजारे व तुरेवाले शाहीर: ओमकार आगरकर अशा दोन युवा शाहिरांची ही जुगलबंदी रसिकांना पाहायला मिळणार आहे.
स्वर्गीय-लोकशाहीर तुकाराम मानकर यांच्या प्रति पुतळ्यासाठी आयोजित केलेल्या या कार्यक्रमासाठी कोकणातील कलाप्रेमी रसिकांनी बहुसंख्येने उपस्थित राहून सदर कार्यक्रमाला सहकार्य करावे असे मंडळाच्या वतीने आवाहन करण्यात आले आहे. स्व.लोकशाहीर तुकाराम मानकर हे कोकण कला क्षेत्रातील एक उत्तुंग व्यक्तिमत्त्व होतं,त्यांचे सहकारी, हितचिंतक, शिष्य, मंडळी,चाहता वर्ग ही व्यप्ती फार मोठी आहे,
आणि म्हणूनच त्यांच्या शिष्य मंडळींच्या आग्रहास्तव सदर उपक्रमाला सर्वांचा हातभार लागेल.
ह्या कार्यक्रमातुन हे शुध्द हेतू डोळ्यासमोर ठेवून कोकणातील बहुप्रिय लोककला (जाखडी नृत्य ) “शक्ती -तुऱ्याचा” जंगी सामना कार्यक्रम आयोजित करण्यात आल्याचे “हरिओम मित्र मंडळ यांच्या वतीने जाहीर करण्यात आले आहे.अधिक माहितीसाठी प्रतिनिधी सुनील इंगावले-९१६७६२११७९ संतोष पारदळे-८४१९९९०४४४ यांच्याकडे संपर्क साधावा असे आवाहन हरिओम मित्र मंडळाच्या वतीने चंद्रकांत गायकवाड,मोहन तांबिटकर,अनंत भायदे, विलास सुरवे, राजाराम रणपिसे, घनश्याम मोंडे, पवन महाडिक यांनी केले आहे.
