ठाणे:- दरवर्षी होणारे कोकण मराठी साहित्य संमेलन यावर्षी ठाणे येथील आनंद विश्व गुरुकुल विधी विद्यालयात होणार आहे. कोंकण मराठी साहित्य परिषद, आनंद विश्व गुरुकुल, शारदा एजुकेशन ट्रस्ट, डाॅ.
श्रीकांत शिंदे फाउंडेशन यांच्या सहयोगाने हे संमेलन येत्या ३० जुलै रोजी संपन्न होत आहे. या संमेलनात अनेक परिसंवाद, चर्चा सत्रे, कवी संमेलने आयोजित केली आहेत. ठाणेकरांची ही पर्वणीच आहे. साहित्यिक राजन गवस यांच्या अध्यक्षतेखाली हे संमेलन सकाळी ९:३० ते संध्याकाळी ७ पर्यंत होणार आहे. यावेळी प्रमुख पाहुणे अंबरनाथचे माजी महापौर सुनील चौधरी उपस्थित राहणार आहेत. यावेळी पद्मपुरस्कार प्राप्त कवी मधू मंगेश कर्णिक यांची विशेष उपस्थिती असेल.
