हृदय हेलावणारी घटना
मुंबई:-काळजाचा ठोका चुकविणारी घटना घडली आहे. अंबरनाथ येथे रेल्वे लोकल वाहतूक पावसामुळे ठप्प झाली होती. रेल्वे गाड्या उभ्या असताना काही प्रवाशी लोकलमधून चालत ट्रॅकच्या बाजूने जात होते. यावेळी एका महिलेसोबत असलेल्या पुरुषाच्या हातात असलेलं चार महिन्यांचं बाळ पाण्यात पडल्यानंतर वाहून गेलं आहे. यावेळी बाळाच्या आईचा आक्रोश काळीज पिळवटून टाकणारा होता.
याबाबत मिळालेली माहिती अशी की, दुपारी तीनच्या सुमारास अंबरनाथ लोकल ठाकुर्ली आणि कल्याण स्थानकादरम्यान २ तास उभा होती. यावेळी काही प्रवासी उतरून कल्याणच्या दिशेने चालत होते. त्यात एका लहान बाळाला घेऊन त्या बाळाची आई आणि एक व्यक्ती निघाले होते. तेव्हा त्यांच्या हातून चार महिन्यांचे बाळ निसटून पाण्यात पडले. पाण्याच्या वाहत्या प्रवाहासोबत बाळ वाहून गेल्याची ही दुर्देवी घटना घडलीय.
