रत्नागिरी:- अखिल भारतीय मराठी नाट्य परिषदेच्या रत्नागिरी शाखेतर्फे कास्टिंग डिरेक्टर रोहन मापुस्कर यांची अभिनय कार्यशाळा येत्या २९ ते ३० जुलैला गोगटे-जोगळेकर महाविद्यालयाच्या राधाबाई शेट्ये सभागृहात घेण्यात येणार आहे.
या कार्यशाळेमध्ये अभिनय, आवाज, करियर आणि ऑडिशनबाबत सविस्तर आणि सखोल माहिती दिली जाणार आहे. मापुस्कर हे चित्रपटसृष्टीतील आघाडीचे कास्टिंग डिरेक्टर आहेत. थ्री इडियट्स, लगे रहो मुन्नाभाई, फेरारी की सवारी, ठाकरे, काही सांगायचंय, उनाड अशा गाजलेल्या अनेक चित्रपटांचे कास्टिंग त्यांच्याकडून करण्यात आले होते. त्यांच्या मार्गदर्शनासाठी इच्छुक कलाकारांनी शिबिरात सहभागी होण्याकरिता रंगकर्मी प्रफुल्ल घाग, सनातन रेडीज, अमेय धोपटकर, डॉ. आनंद आंबेकर यांच्याशी संपर्क साधावा, असे आवाहन नाट्य परिषदेने केले आहे.
