रत्नागिरी/प्रतिनिधी:- सलग तीन दिवसांपासून कोकण मार्गावरून धावणाऱ्या रेल्वेगाड्यांचे बिघडलेले वेळापत्रक चौथ्या दिवशी पूर्वपदावर आल्याने प्रवाशांनी सुटकेचा नि:श्वास टाकला. सोमवारी ५ रेल्वेगाड्या वगळता अन्य रेल्वेगाड्या निर्धारित वेळेनुसार धावल्याने प्रवाशांची विलंबाच्या प्रवासातून सुटका झाली.
५ रेल्वेगाड्या उशिरानेच मार्गस्थ झाल्या. सीएसएमटी-मडगाव मांडवी एक्स्प्रेस १ तास १० मिनिटे, दिवा-सावंतवाडी एक्स्प्रेस १ तास २५ मिनिटे विलंबानेच धावली. सावंतवाडी-दिवा पॅसेंजर १ तास ३८ मिनिटे, सीएसएमटी-मडगाव जनशताब्दी एक्स्प्रेस १ तास १६ मिनिटे उशिराने धावली. सीएसएमटी-मंगळूर एक्स्प्रेसही १ तास २५ मिनिटे उशिराने मार्गस्थ झाली. उर्वरित रेल्वेगाड्या निर्धारित वेळेनुसारच धावल्याने प्रवाशांनी सुटकेचा निःश्वास टाकला.
