चिपळुणात नदीत आढळला बेपत्ता वृध्दाचा मृतदेह

चिपळूण:- बेपत्ता 91 वर्षीय वृध्दाचा मृतदेह कापशी नदीपात्रात शनिवारी आढळून आला. या प्रकरणी सावर्डे पोलीस स्थानकात आकस्मिक मृत्यूची नोंद करण्यात आली आहे. गजानन जयराम पवार (91, दहिवली) असे त्या वृध्दाचे नाव आहे. काही दिवसांपूर्वी गजानन पवार हे बेपत्ता झाल्याची खबर विद्या मंगेश खांजेकर यांनी सावर्डे पोलीस स्थानकात दिली होती. या प्रकरणी पोलीस शोध घेत असताना गजानन पवार यांचा मृतदेह कापशी नदीपात्रात आढळून आला.