चिपळूण:- गुहागर मार्गावरील गणेश खिंड चेकपोस्टच्या पुढील बाजूस असलेल्या उताराच्या वळणावर कारला ऑईल टँकरने धडक दिल्याने अपघात झाल्याची घटना शनिवारी दुपारी 2.30 च्या सुमारास घडली. अपघातानंतर टँकरचालक पळून गेला असून त्याच्यावर येथील पोलीस स्थानकात गुन्हा दाखल करण्यात आला आहे.
फिर्यादी आपल्या ताब्यातील कार गुहागरच्या दिशेने घेऊन जात असताना ते गणेश खिंड चेकपोस्टच्या पुढील बाजूस असलेल्या उताराच्या वळणावर आले असता चिपळूणकडे जाणाऱ्या ऑईल टँकरवरील चालकाने टँकर बेदरकारपणे चालवून कारला धडक दिली. तसेच अपघाताची खबर न देता निघून गेला. याप्रकरणी गुन्हा दाखल करण्यात आला आहे.
