रत्नागिरी:-मुंबई-गोवा महामार्गावरील हातखंबा येथे एसटी बसला धडक देणाऱ्या कंटेनर चालकावर ग्रामीण पोलिसांत गुन्हा दाखल करण्यात आल़ा आहे. नंदकिशोर पुनमचंद्र राइदास असे कंटेनर चालकाचे नाव आह़े. अपघाताची घटना बुधवारी सायंकाळी 6.20 च्या सुमारास घडली होत़ी. एसटी बसचालकाच्या तक्रारीनुसार पोलिसांनी कंटेनर चालकाविरूद्ध गुन्हा दाखल केल़ा.
पोलिसांनी दिलेल्या माहितीनुसार, नंदकिशोर राइदास हे 5 जुलै 2023 रोजी कंटेनर (आरजे 14 जीएच 5321) घेवून पाली ते हातखंबा असे जात होत़े. सायंकाळी 6.20 च्या सुमारास हातखंबा गांव येथे ट्रकला ओव्हरटेक करीत असताना कंटेनरची समोरून येणाऱ्या एसटी बसला धडक बसली, अशी तक्रार एसटी चालकाने ग्रामीण पोलिसांत दिल़ी. त्यानुसार पोलिसांनी नंदकिशोर याच्याविरूद्ध भादंवि कलम 279 व मोटार वाहन कायदा कलम 184 नुसार गुन्हा दाखल केला आहे.
