रत्नागिरी:-शहरानजिकच्या शिरगाव-आडी येथील जिल्हा परिषद प्राथमिक शाळेवर झाड कोसळले. मात्र विद्यार्थी, शिक्षक या दुर्घटनेतून बालंबाल बचावले. ही घटना बुधवारी दुपारी 12.15 वाजण्याच्या सुमारास घडली. झाड उन्मळून शाळेवर कोसळल्याने शाळेचे नुकसान झाले आहे.
शिरगाव-आडी येथील प्राथमिक शाळेत इ. 1 ली ते 7 वी पर्यंतचे वर्ग आहेत. बुधवारी दुपारी वर्ग सुरू असताना शाळेशेजारी काही अंतरावर असलेले रातांबीचे मोठे झाड शाळेवर कोसळले. त्या झाडाच्या फांद्या एका वर्गाच्या छपरावर आदळल्याने मोठे नुकसान झाले. पण त्या घटनेवेळी वर्गात विद्यार्थी व शिक्षक होते. झाड मोडल्याचा मोठा आवाज होताच विद्यार्थी व शिक्षक वर्गाबाहेर पडल्याने या घटनेतून बालंबाल बचावले. नाहीतर मोठा अनर्थ ओढवला असता. एका विद्यार्थ्याला किरकोळ दुखापत झाली. ही घटना घडल्याचे समजताच गावचे सरपंच, तलाठी, ग्रामसेवक, केंद्रपमुख, यांनी शाळेला भेट दिली.
