चिपळूण:- चिपळूण-गुहागर मार्गावरील कोंढे येथे मंगळवारी दोन कार आणि रिक्षा यांच्यात झालेल्या अपघातात 6 जण जखमी झाले. हा अपघात मंगळवारी दुपारच्या सुमारास घडला.
कोंढे येथील रिगल कॉलेज परिसरात एका भरधाव कारची दुसऱ्या कारला जोरदार धडक बसली. यातील एका कारने रिक्षाला धडक दिली. रिक्षामधून 3 मुले प्रवास करत होती. कारमधील दोघेजण तसेच रिक्षामधील तिघे व चालक असे 6 जण किरकोळ जखमी झाले. नागरिकांनी जखमीना तत्काळ एका खासगी रुग्णालयात दाखल केले. किरकोळ जखमी असल्याने 5 जणाना उपचारानंतर घरी पाठवण्यात आले. यात रिक्षा व कारचे मोठे नुकसान झाले.
