लांजा: लांजा तालुक्यातील मौजे पुनस येथील सरोदेवाडी येथे पोलिसांनी छापा टाकून गावठी हातभट्टीची दारू आणि देशी विदेशी दारूचा साठा जप्त केला आहे. याप्रकरणी एका महिलेवर गुन्हा दाखल करण्यात आला आहे. ही कारवाई काल(११ एप्रिल) सायंकाळी ७ वाजण्याच्या सुमारास करण्यात आली.
लांजा पोलीस ठाण्याच्या महिला पोलीस कॉन्स्टेबल पुनम गोविंद देत यांनी यासंदर्भात फिर्याद दाखल केली आहे. फिर्यादीनुसार, आरोपी महिलेने तिच्या ताब्यात विक्री करण्याच्या उद्देशाने विनापरवाना गावठी हातभट्टीची दारू आणि देशी विदेशी दारू बाळगली होती. पोलिसांनी घटनास्थळावरून एकूण ३ हजार २९० रुपये किंमतीचा मुद्देमाल जप्त केला आहे.
जप्त केलेल्या मालामध्ये खालील गोष्टींचा समावेश आहे:
१) २८० रुपये किंमतीच्या १८० मिली मापाच्या देशी दारू संत्रा लेबल असलेल्या ४ प्लास्टिकच्या बाटल्या.
२) १३३० रुपये किंमतीच्या १८० मिली मापाच्या देशी दारू टँगो पंच लेबल असलेल्या १९ प्लास्टिकच्या बाटल्या.
३) ६८० रुपये किंमतीच्या ९० मिली मापाच्या मॅकडॉवेल नं. १ लेबल असलेल्या प्लास्टिकच्या ८ दारूच्या बाटल्या.
४) १००० रुपये किंमतीची १० लिटर गावठी हातभट्टीची दारू.
आरोपी महिलेवर महाराष्ट्र दारूबंदी अधिनियम १९४९ चे कलम ६५ (ई) अन्वये गुन्हा दाखल करण्यात आला आहे. लांजा पोलीस या प्रकरणाचा पुढील तपास करत आहेत.
