मुंबई – आशिया खंडातील सर्वात मोठा टेक्निकल इव्हेंट मुंबई टेक विक पार पडत आहे. त्यामुळे मुंबई ही टेकची राजधानी आहे, हे पुन्हा एकदा सिद्ध झाले आहे, असा दावा मुख्यमंत्री देवेंद्र फडणवीसांनी केला आहे.
इतकेच नाही तर आता राज्य सरकारच्या 500 सर्व्हिसेस व्हॉट्सअँप गव्हर्नन्सच्या माध्यमातून नागरिकांना मिळणार असल्याची घोषणा देखील त्यांनी केली. त्यासाठी राज्य सरकारने मेटा या कंपनीसोबत करार केला असल्याची माहिती त्यांनी दिली.
मुंबई टेक इव्हेंट मध्ये आम्ही मेटा सोबत एक करार केला आहे. त्यानुसार आता राज्यातील अनेक सेवा या व्हॉट्सॲपच्या माध्यमातून मिळू शकतील. मुंबई मेट्रोचे तिकीट जेव्हा आम्ही व्हॉट्सॲपवर आणले त्यावेळी 50% पेक्षा जास्त तिकीट व्हॉट्सअँपवर निघाली, हे आमच्या लक्ष्यात आले.
त्यामुळे आता राज्यातील सर्व सेवा आता व्हॉट्सअप च्या माध्यमातून आपल्याला मिळू शकतील. त्यामुळेच व्हॉट्सॲप गव्हर्नन्सच्या माध्यमातून 500 सर्व्हिसेस नागरिकांना मिळतील, असा दावा देखील त्यांनी केला.
फडणवीस पुढे म्हणाले की, आता गावातील शेवटचा माणूसही व्हॉट्सअपचा वापरतो आहे. त्यामुळे त्याला कुठेही ऑनलाइन जाण्याची आवश्यकता नाही. व्हॉट्सअपच्या माध्यमातून 500 सरकारी सेवा तो प्राप्त करू शकतो. हा अत्यंत महत्त्वाचा करार आता राज्य सरकारने केला असल्याचे देवेंद्र फडणवीस यांनी सांगितले आहे.
आंत्रप्रोन्योर म्युझियम तयार करण्याचा निर्णय
अनेक बिझनेसमन मुंबईत तयार झाले आहेत. त्या प्रत्येकाची एक कथा आहे आणि त्यामुळेच आंत्रप्रोन्योर म्युझियम तयार करण्याचा निर्णय आम्ही घेतला असल्याचे देवेंद्र फडणवीस यांनी सांगितले. तसेच इनोव्हेशन सिटी संदर्भात आधीच घोषणा झाली आहे.
त्या संदर्भात टेक संघटने सोबत एक करार झालेला आहे. या असोसिएशनशी जोडलेल्या टेक लिडर्सच्या माध्यमातून या सिटीसाठी या व्यक्ती काम करणार आहे. त्यामुळे मुंबई आणि महाराष्ट्रा करता हा प्रचंड महत्वाचा इव्हेंट झाला असल्याचे फडणवीस यांनी सांगितले.
