चिपळूण : येथील दिवाणी न्यायाधीश श्री. मयुरेश काळे यांनी सावर्डे पोलीस ठाणे गुन्हा रजि.नं. – 41/2022, आयपीसी 454,457, 380 मधील सावर्डे मधील सराईत गुन्हेगार आरोपी दिगंबर सुनील सुर्वे (वय-31वर्षे, रा. सावर्डे काजरकोंड ता.चिपळूण, जि.रत्नागिरी) यास चोरीच्या गुन्ह्यात कोर्टाने आयपीसी 457 अन्वये 01वर्षे सश्रम कारावास व 2500 रूपये दंड, दंड न भरल्यास 15 दिवसाची कैद,आयपीसी 380 अन्वये 01 वर्षे सश्रम कारावास व 2500 रूपये दंड, दंड न भरल्यास 15 दिवसाची कैद अशी शिक्षा सुनावण्यात आली आहे.
या गुन्ह्याचा तपास पोलीस उपनिरीक्षक प्रदीप अर्जुन गमरे यांनी केला असून प्रभारी अधिकारी स. पो. नि.आबासो पाटील व सदर शिक्षेकामी सरकारी वकील सुरेखा पाटील यांनी काम पाहिले व पैरवी कामकाजाचे पो.ना.मिनाद कांबळे यांनी केले आहे. निकाला नंतर आरोपी दिगंबर सुर्वे याला जिल्हा विशेष कारागृहात ठेवण्यात आले आहे.
