पालकमंत्री नितेश राणे यांच्या प्रयत्नाला यश
पर्यटन वाढीस लागणार मोठा हातभार
सिंधुदुर्ग:-भारतीय नौदलाच्या गौरवशाली इतिहासाची साक्ष देणारी आईएनएस गुलदार ही युद्धनौका लवकरच सिंधुदुर्ग जिल्ह्यात विजयदुर्ग बंदरात स्थिरावणार आहे.पालकमंत्री नितेश राणे यांच्या प्रयत्नांना यश मिळाले असून, ही नौका आता लोकांसाठी खुली होणार आहे. यामुळे सिंधुदुर्गातल्या पर्यटनाला मोठ्या प्रमाणात चालना मिळणार आहे.
विजयदुर्ग किल्ले प्रेरणोत्सव समितीच्या माध्यमातून विजयदुर्गवासीयांनी नामदार नितेश राणे यांच्याशी संपर्क साधला होता. विजयदुर्ग किल्ले प्रेरणोत्सव समितीच्या माध्यमातून संस्थापक अध्यक्ष राजीव परुळेकर यांच्या नेतृत्वाखालील शिष्टमंडळान सिंधुदुर्गचे पालकमंत्री नितेश राणे यांची भेट घेतली. त्यांनी या नौकेला विजयदुर्ग बंदरात आणण्यासाठी आवश्यक ती सर्व पावले उचलण्याच आश्वासन दिल होते. अखेर, त्यांच्या अथक प्रयत्नांमुळे ही नौका विजयदुर्ग बंदरासाठी मिळवण्यात यश आले आहे.
ही नौका पाहण्यासाठी देश-विदेशातले पर्यटक विजयदुर्गला येणार आहेत. नौकेच स्थलांतर कर्नाटक मधल्या बंदरातून करण्यात येणार असून, पर्यटन महामंडळान त्यासाठी निविदा प्रक्रिया सुरू केली आहे. लवकरच ही नौका विजयदुर्ग बंदरात दाखल होईल. भारतीय नौदलाच्या लँडिंग शिप टँक (मध्यम) श्रेणीतली आईएनएस गुलदार हे जहाज, त्याच्या सामरिक क्षमतांमुळे, नौदलाचा एक महत्त्वाचा आधारस्तंभ मानलं जात. भारतीय नौदलाचे आईएनएस गुलजार हे केवळ युद्धनौका नसून, सागरी संरक्षण, सामरिक सामर्थ्य आणि मानवतावादी सेवांचे एक प्रेरणादायी प्रतीक आहे. लवकरच ही नौका विजयदुर्ग बंदरात दाखल होईल, ज्यामुळे या ऐतिहासिक ठिकाणाचे महत्त्व आणखी वाढेल. अशी माहिती मंत्री नितेश राणे यांच्या कार्यालयातून देण्यात आली.
