अज्ञात वाहनचालकावर अखेर गुन्हा
खेड:-खेड-दापोली मार्गावरील नारिंगीनजीक दुचाकीस्वारास धडक देवून अमोल बाबू चव्हाण (25, रा. गावतळे-दापोली, मूळगाव विजापूर-कर्नाटक) याच्या मृत्यूस कारणीभूत ठरल्याप्रकरणी अज्ञात वाहनचालकावर अखेर 12 दिवसांनी खेड पोलीस ठाण्यात गुन्हा दाखल करण्यात आला. घटनास्थळावरून पसार झालेल्या अज्ञात वाहनचालकाचा पोलिसांकडून शोध सुरू आहे.
अमोल बाबू चव्हाण हा भाऊ विनोद चव्हाण याच्यासमवेत खेड-दापोली मार्गावरून दुचाकीने (के.ए.28/ए.पी. 8449) जात असताना अज्ञात वाहनचालकाने दुचाकीला धडक दिली होती. अपघातात गंभीर जखमी झालेल्या चालकाचे डेरवण येथील रूग्णालयात उपचारादरम्यान निधन झाले होते. तर त्या भाऊ गंभीर जखमी झाला होता. अपघातानंतर अज्ञात चालकाने घटनास्थळावरून पोबारा केला. अद्यापही पसार चालकाचा शोध लागलेला नाही.
