रत्नागिरी:-मुंबई विद्यापीठाशी संलग्न असलेले देव, घैसास, कीर वरिष्ठ महाविद्यालय व रसायनी (जि. रायगड) येथील पिल्लई एचओसी इन्स्टिट्यूट ऑफ मॅनेजमेंट स्टडीज अँड रिसर्च यांच्यात सामंजस्य करार करण्यात आला.
या करारानुसार पुढील तीन वर्षांसाठी सहयोगी आणि परस्पर फायदेशीर कार्यक्रमांच्या विकासास चालना व सुविधा देण्यास तसेच शैक्षणिक आणि संशोधन क्षेत्रातील विद्याशाखांचा कला, वाणिज्य व विज्ञान शाखेतील विद्यार्थ्यांना व तसेच तिन्ही शाखेतील शिक्षकांना याचा फायदा होणार आहे.
महाविद्यालयाच्या प्रभारी प्राचार्या मधुरा पाटील व पिल्लई इन्स्टिट्यूटचे अध्यक्ष डॉ. केतन विरा यांच्या सामंजस्य करारावर स्वाक्षऱ्या झाल्या. यावेळी महाविद्यालयाच्या उपप्राचार्य व आयक्यूएसी समन्वयक प्रा. वसुंधरा जाधव, कम्युनिटी आऊट्रीच ऑफिसर पिल्लई एचओसी कॉलेजचे उमेर खान उपस्थित होते.
