मुंबई गोवा महामार्गावर दुचाकीस्वाराची बोलेरोला धडक, दुचाकीस्वार गंभीर

रत्नागिरी : मुंबई – गोवा महामार्गावरील खेडमधील भरणे येथे आज सकाळी 9 30 वाजण्याच्या सुमारास दुचाकीने बोलेरोला पाठीमागून धडक दिल्याने स्वार गंभीर जखमी झाल्याची घटना घडली. शुभम शंकर जाधव (30, वेरळ) असे जखमी दुचाकीस्वाराचे नाव आहे.

दुचाकीस्वार भरणे येथून वेरळच्या दिशेने जात होता. यावेळी चिपळूण दिशेला जात असलेल्या बोलेरो पीकअप (क्र. MH 08 AP 3645) गाडीला मागून जोरदार धडक दिली. या अपघातात दुचाकीस्वार गंभीर जखमी झाला. त्याला श्री जगद्गुरु नरेंद्रचार्य महाराज संस्थान रुग्णवाहिकेतून उपचारासाठी रॉयल हॉस्पिटल भरणे येथे दाखल करण्यात आलं आहे.