चेन्नईत पटकावला ‘मिस मद्रासी नॉर्थ इंडिया 2025’ किताब
रत्नागिरी /प्रतिनिधी:-रत्नागिरीची सुकन्या सोनाली चंद्रकांत जाधव हिने चेन्नई येथे झालेल्या ‘मिस मद्रासी नॉर्थ इंडिया 2025’ चा किताब पटकावत रत्नागिरी जिल्ह्याचे नाव रोशन केले आहे.
सोनालीचे बारावी (सायन्स) पर्यंतचे शिक्षण रत्नागिरीमध्ये झाले. पुढील शिक्षण मुंबई तसेच गोव्यामध्ये झाले. त्यांनतर दिल्ली येथून हवाई सुंदरीचे प्रशिक्षण घेऊन २०१६ मध्ये तिची चेन्नई विमानतळावर हवाई सुंदरी म्हणून एका कंपनीत आंतरराष्ट्रीय विमानसेवेकरिता निवड झाली. सोनाली २०१६ साली हवाई सुंदरी ( एयर होस्टेस) बनली. विशेष म्हणजे सोनालीचे दहावीपर्यंतचे शिक्षण मराठी माध्यमातून झाले आहे. लहानपणी पाहिलेले स्वप्न सोनालीने खऱ्या आयुष्यात सत्यात उतरविण्यासाठी खूप परिश्रम घेतले. यावेळी तिच्या आई वडिलांचे तिला योग्य मार्गदर्शन लाभले.
सोनाली सध्या एयर होस्टेस लीडर पदावर कार्यरत आहे. सोनालीने ‘मिस मद्रासी नॉर्थ इंडिया 2025’ किताबचा मुकुट प्राप्त केला आहे. या किताबाने रत्नागिरीसह महाराष्ट्राचे नाव उंचावले आहे.
