संगमेश्वर : तालुक्यातील वांद्री येथील एका 21 वर्षीय तरुणाने गळफास घेऊन आत्महत्या केल्याची घटना आज दुपारच्या सुमारास घडली. प्रथमेश दत्ताराम सनगरे (21, वांद्री, कुणबीवाडी, ता. संगमेश्वर) असे आत्महत्या केलेल्या तरुणाचे नाव आहे.
सविस्तर वृत्त असे की, प्रथमेश हा पुणे येथे शिक्षण करत होता. तो गावी आला होता. दरम्यान प्रथमेश याने सोमवारी दुपारी 12 वाजण्याच्या सुमारास आपल्या राहत्या घरात दोरीने गळफास घेऊन आत्महत्या केली. घरात कोणी नसल्याची संधी साधून त्याने घरातील दरवाजाला आतून कडी लावून आत्महत्या केली.
दरम्यान प्रथमेश याने आत्महत्या करण्यापूर्वी एक चिठ्ठी लिहिली होती. ही चिठ्ठी पोलिसांच्या हाती लागली असून या चिठ्ठीत त्याने पुणे शिक्षण घेत असताना नोकरी मिळत नसल्याचे आत्महत्या करत असल्याचे कारण लिहिले आहे. असे पोलिसांनी सांगितले. संगमेश्वर पोलीस ठाण्यात या आत्महत्येची नोंद करण्याची प्रक्रिया सुरू आहे. प्रथमेश याचा मृतदेह शवविच्छेदनासाठी संगमेश्वर ग्रामीण रुग्णालयात पाठविण्यात आला आहे. याबाबतचा अधिक तपास पोलीस करत आहेत.
