सांगलीतील धारकरी किल्ले रायगडवरील मोहिमेत सहभागी होण्यासाठी जाताना अपघात
रायगड / प्रतिनिधी:-पोलादपूर सुरूर राज्य मार्गवरील पोलादपूर हद्दीतील कुंभळवणे गावाजवळ सांगली जिल्ह्यातील पलूस तालुक्यातील धारकरी उमरठ कडे येत असताना पिकअप पलटी झाल्याने 20 जण जखमी झाल्याची घटना शुक्रवारी रात्री 11.30 च्या सुमारास घडली.
मिळालेल्या माहितीनुसार सांगली जिल्ह्यातील पलूस तालुक्यातील अंकलखोप गावातील धारकरी नरवीर भूमी उमरठ ते किल्ले रायगड गडतोक मोहिमेत सहभागी होण्यासाठी महाबळेश्वर मार्गे पोलादपूर कडे येत असतात पिकअप एम एच 28 ऐ ऐ 4632 नंबर वरील चालक रोहन तलवार वय 22 याचे अवघड वळण व उतारावर नियंत्रण सुटल्याने पोलादपूर तालुक्यातील कुंभळवणे गावाजवळ पिकअप पलटी झाल्याने 20 धारकरी जखमी झाले या जखमींना पोलादपूर ग्रामीण रुग्णालयात प्रथमिक उपचार करत पुढील उपचार साठी महाड ग्रामीण रुग्णालयात व माणगांव सह इतर खासगी रुग्णालयात हलविण्यात आले आहे.
जखमी मध्ये अंकलखोप गावातील गणेश गायकवाड वय 19 ,अक्षय पाटील वय 25 ,सत्यम पुजारी वय 21,ओंकार खामकर वय 22, यश उपाध्ये वय 23, सागर हल्नलेली, वय 27,पवनकुमार जाधव वय 17 ,योगेश खामकर वय 25, कुणाल उपाध्ये 17 , अवधूत कुलकर्णी वय 28 ,पवन साळुंखे वय 18 ,ओम कोळी वय 19 ,आविष्कार शिंदे वय 19 संकेत जाधव वय 24 चालक रोहन तलवार वय 28 ,अथर्व अर्बा वय 25 व शंभू म्हस्के ,क्लिनर अक्षय पाटील ,प्रणव देशपांडे व विश्वभर जोशी वय 16 याचा समावेश आहे.
सर्व जखमींना पोलीस सह स्थानिक ग्रामस्थ यांनी रुग्णवाहिका द्वारे पोलादपूर ग्रामीण रुग्णालयात दाखल केले पोलादपूर ग्रामीण रुग्णालयात प्राथमिक उपचार करत सर्व जखमींना पुढील उपचार साठी महाड माणगांव कडे हलविण्यात आले.
या बाबत पोलादपूर पोलीस ठाण्यात रात्री 2 .30 च्या सुमारास अपघात गुन्हा नोंदविण्यात आला आहे अपघात घटना स्थळी पोलादपूर पोलीस ठाण्याचे कर्मचारी घटनास्थळी दाखल होत पाहणी करत कार्यवाही केली.
