चिपळूण : तालुक्यातील डेरवण येथील मठाच्या बाजूस असलेल्या जंगलात कवळतोडणीसाठी गेलेल्या वृद्धाचा झाडावरून पडल्याने मृत्यू झाला. शिवाजी धोंडू महाडिक (६९, डेरवण गवळवाडी, चिपळूण) असे त्यांचे नाव आहे. ही घटना गुरुवारी (ता. ६) सकाळी ९.५० वाजता घडली. याबाबत सावर्डे पोलिस ठाण्यात आकस्मिक मृत्यू म्हणून नोंद केली आहे.
शिवाजी महाडिक हे कवळ तोडणीच्या कामासाठी सकाळीच घराबाहेर पडले होते. डेरवण मठाच्या मागील बाजूस असलेल्या जंगलात झाडावर चढून कवळ तोडणीचे काम सुरू असतानाच अचानक त्यांचा फांदीवरून पाय घसरला आणि ते जमिनीवर कोसळले. यामध्ये त्यांच्या डोक्याला व बरगडीला जबर मार बसून गंभीर दुखापत झाली. यानंतर त्यांना रुग्णालयात नेण्यात आले.
झाडावरून पडून वृद्धाचा मृत्यू
