चिपळूण:-खेड तालुक्यातील आंबडस- सोलकरवाडी येथील रहिवासी व चिपळूण नागरी पतसंस्थेचा कर्मचारी अमित अर्जून मोरे (26) हा काही दिवसापासून बेपत्ता झाला आहे. या प्रकरणी चिपळूण पोलीस ठाण्यात तो बेपत्ता झाल्याची नोंद करण्यात आली आहे. या बाबतची खबर अमित याचे वडील अर्जून काशिराम मोरे (58) यांनी दिली.
पोलिसांनी दिलेल्या माहितीनुसार, 19 जानेवारी 11.15 च्या सुमारास चिपळूण नागरी पतसंस्थेच्या शहरातील भाजी मंडई येथील शाखेतून अमितने त्याचा सहकारी प्रशांत भैरवकर याला डिपॉझिटचे भाऊकडून पैसे घेऊन येतो, असे सांगून निघून गेला. त्यानंतर तो बराचवेळ झाला तरी परत आला नाही. त्याचा शोध घेतला असता तो कोठेही सापडला नाही. अखेर तो बेपत्ता झाल्याची नोंद पोलीस ठाण्यात करण्यात आली असून अमित यांचा रंग सावळा तर बांधा-सडपातळ आहे. त्याचे केस काळे बारीक तसेच उंची 5 फुट 1 इंच, त्याने निळया रंगाचे शर्ट, फिक्कट निळसर रंगाची जिन्स पॅन्ट परिधान केली आहे. शिवाय पायात तांबूस रंगाचे बुट व गळयात रुद्राक्ष माळ, उजव्या हाताला जखमेची खूण आहे. तरी अशा वर्णनाचा व्यक्ती आढळल्यास याची माहिती चिपळूण पोलीस ठाण्यात द्यावी. अधिक तपास पोलीस हेडकॉन्स्टेबल विनोद आंबेरकर करीत आहेत.
