खेड / प्रतिनिधी:-खेड-दापोली मार्गावरील नारिंगीनजीक बुधवारी सायंकाळच्या सुमारास ट्रक्टर आणि दुचाकी अपघातात गंभीररित्या जखमी झालेल्या अमोल बाबू चव्हाण (25, रा. कर्नाटक) या दुचाकीस्वाराचा डेरवण रूग्णालयात उपचारादरम्यान मृत्यू झाला. अन्य जखमी सहकाऱ्यावर रूग्णालयात उपचार सुरू आहेत.
अमोल बाबू चव्हाण व विनोद बाबू चव्हाण हे दोघेजण दुचाकीने प्रवास करत असताना नारिंगीजवळ ट्रॅक्टरने धडक दिली. या अपघातात दोघेही गंभीररित्या जखमी झाल्याने उपचारासाठी रूग्णवाहिकेने कळंबणी उपजिल्हा रूग्णालयात दाखल करण्यात आले होते. प्रकृती गंभीर बनल्याने अधिक उपचारासाठी डेरवण रूग्णालयात दाखल करण्यात आले होते. या ठिकाणी उपचार सुरू असताना अमोल चव्हाण याचा गुरूवारी दुपारच्या सुमारास मृत्यू झाला. अपघातानंतर ट्रॅक्टर चालकाने घटनास्थळावरून पलायन केले. पसार झालेल्या ट्रक्टर चालकाचा पोलिसांकडून शोध घेण्यात येत आहे.
