सुदर्शन जाधव / खेड : खेड -दापोली मार्गावरील बहिरवली फाटा येथे आज बुधवारी रात्री 8 वाजण्याच्या सुमारास ट्रॅक्टरने दुचाकीवरील दोघांना उडवल्याची घटना घडली. यामध्ये दुचाकीवरील दोघेजण गंभीररित्या जखमी झाल्याची घटना घडली. अपघातानंतर ट्रॅक्टर चालकाने घटनास्थळावरून पळ काढला. अमोल बाबू पवार (49), विनोद बाबू पवार (25) असे गंभीररित्या जखमी झालेल्यांची नावे आहेत. अपघाताची माहिती मिळताच पोलीस तातडीने घटनास्थळी पोहोचले. अपघातामुळे काही काळ वाहतूक देखील खोळंबली होती.
ट्रक्टरचालक चिंचघर वीजभट्टीवर काम करत असल्याची माहिती उपलब्ध झाली आहे. पसार ट्रॅक्टर चालकाचा शोध घेण्याचे काम सुरू आहे. अपघात प्रकरणी गुन्हा दाखल करण्याची प्रक्रिया सुरू आहे.