तरवळ/अमित जाधव:-क्रीडा व युवक सेवा संचालनालय महाराष्ट्र राज्य, पुणे अंतर्गत जिल्हा क्रीडा अधिकारी कार्यालय व टेनिस क्रिकेट असोसिएशन रत्नागिरी यांच्या प्रशासकीय, तांत्रिक व आर्थिक सहकार्याने तसेच डॉ. नानासाहेब मयेकर फाउंडेशन मालगुंड यांच्या विशेष सहकार्याने जिल्हास्तरीय शालेय टेनिस क्रिकेट स्पर्धा (१४ व १७ वर्षे वयोगटाखालील मुलगे व मुली) रत्नागिरी तालुक्यातील मालगुंड येथील कै. डॉ. नानासाहेब मयेकर क्रीडानगरी मालगुंड (खारभूमी)येथे दिनांक ४ व ५ फेब्रुवारी रोजी संपन्न होणार आहेत.
१४ वर्षे वयोगटाखालील मुलगे व मुलीं यांचे सामने ४ फेब्रुवारी रोजी होणार आहेत,तर १७ वर्षे वयोगटाखालील मुलगे व मुलींचे सामने ५ फेब्रुवारी रोजी आयोजित करण्यात आले आहेत.
सदर स्पर्धेच्या अधिक माहितीकरिता टेनिस क्रिकेट असोसिएशन रत्नागिरी जिल्ह्याचे सचिव सिद्धेश गुरव (मो 8779669496) तसेच क्रीडांगणाचा पत्ता जाणण्यासाठी रुपेश तावडे( मो 9403506737) यांच्याशी संपर्क साधावा. असे आवाहन प्र. जिल्हा क्रीडा अधिकारी विजय शिंदे यांनी केले आहे. शालेय शिक्षण व क्रीडा विभाग, मंत्रालय मुंबई द्वारा नव्याने मान्यता दिलेल्या खेळांच्या क्रीडा स्पर्धा आयोजनास शासकीय योजनांचे लाभ 5% खेळाडू आरक्षण, क्रीडा गुण सवलत, शिष्यवृत्ती, रोख पारितोषिके अनुज्ञेय असणार नाहीत,याची नोंद सर्व खेळाडू , क्रीडाशिक्षक, पालक यांनी घ्यावी असे आवाहन असोसिएशन मार्फत करण्यात आले आहे. या स्पर्धेत सहभागी होण्याकरिता विहित नमुन्यातील स्पर्धा प्रवेशिका, खेळाडू ओळखपत्र इ. आवश्यक कागदपत्रांसह स्पर्धा ठिकाणी उपस्थित रहावे असे आवाहन असोसिएशन मार्फत करण्यात आले आहे.
