रत्नागिरी:-शहरालगतच्या झाडगांव एमआयडीसी येथे गावठी दारु बाळगणाऱ्या संशयितावर शहर पोलिसांकडून गुन्हा दाखल करण्यात आला. मंगळवारी सायंकाळी 5 च्या सुमारास पोलिसांनी ही कारवाई केली. गणेश श्रीकांत शिंदे (48, ऱा गवळीवाडा बाजारपेठ, रत्नागिरी) असे संशयिताचे नाव आह़े. त्याच्या ताब्यातून पोलिसांनी 18 लिटर गावठी दारु हस्तगत केली.
झाडगांव एमआयडीसी येथे गावठी दारुची विक्री होत असल्याची गोपनीय माहिती शहर पोलिसांना मिळाली होती. त्यानुसार पोलिसांनी 28 जानेवारी रोजी सायंकाळी 5 च्या सुमारास छापा टाकून कारवाई केली. यावेळी संशयित गणेश शिंदेच्या ताब्यात पोलिसांना 18 लिटर गावठी दारु आढळली. पोलिसांनी या प्रकरणी गणेशविरुद्ध महाराष्ट्र दारुबंदी कायदा कलम 65 ई नुसार गुन्हा दाखल केला.
