‘आबलोली भूषण’ पुरस्कार वितरण समारंभाचे आयोजन
आबलोली : गुहागर तालुक्यातील निर्मल ग्रामपंचायत आबलोली महात्मा गांधी तंटामुक्ती समितीचे अध्यक्ष व निस्वार्थी समाज सेवक, आबलोली गावाचे सुपुत्र आणि ” जिवनदाता”,”आबलोली भूषण पुरस्कार”, पुरस्कार” असे अनेक पुरस्कार प्राप्त ज्यांनी आपल्या आयुष्यात आतापर्यंत ९९ वेळा रक्तदान केले आहे आणि आयुष्याच्या ६५ व्या वर्षी दिनांक ३० जानेवारी रोजी स्वत:च्या जन्मदिनाचे औचित्य साधून रक्तदानाची शतकपूर्ती साजरी करणारे व अनेकांना जिवदान देणारे व आबलोली गावाचे नाव, गुहागर तालुक्याचे नाव यशोशिखरावर नेणारे रक्तदाते विद्याधर राजाराम कदम उर्फ आप्पा कदम यांच्या रक्तदानाच्या शतक पूर्तीला प्रोत्साहित करण्यासाठी निर्मल ग्रामपंचायत आबलोली यांनी गुरुवार दिनांक ३० जानेवारी रोजी सकाळी १० ते १ या वेळेत “महारक्तदान” शिबिराचे आयोजन केले आहे.
या रक्तदान शिबिरात रक्तदात्यांनी बहूसंख्येने उत्स्फूर्तपणे सहभागी व्हावे असे आवाहन निर्मल ग्रामपंचायत आबलोली यांनी केले आहे. तसेच गुहागर तालुक्यातील आबलोली गावचा बहुमान, राष्ट्रपतींच्या हस्ते पुरस्कार देऊन ज्यांना गौरवण्यात आले असे प्रगतशील शेतकरी एस. के. ४ हळदीच्या वाणाचे प्रणेते आणि उद्योजक आबलोली गावाचे नाव, गुहागर तालुक्याचे नाव देशभर उच्चस्थानी नेणारे आबलोली गावाचे सुपुत्र सचिन कमलाकर कारेकर यांना मान्यवरांच्या हस्ते “आबलोली भूषण पुरस्कार” देऊन सन्मानित करण्यात येणार आहे. हा पुरस्कार वितरण सोहळा दुपारी ३ ते सायंकाळी ५ या वेळेत करण्यात येणार आहे. “महारक्तदान” शिबीर आणि “आबलोली भूषण” पुरस्कार वितरण सोहळा असा संयुक्त कार्यक्रम सचिन कारेकर यांच्या गारवा कृषी पर्यटन केंद्र आबलोली येथे उत्साहात संपन्न होणार असून या सोहळ्याला गुहागरचे पोलीस निरीक्षक सचिन सावंत, पंचायत समिती गुहागरचे गटविकास अधिकारी प्रमोद केळसकर, माजी सभापती आणि शिक्षण महर्षी चंद्रकांत बाईत आदी. मान्यवर उपस्थित राहणार आहेत. तरी आबलोली पंचक्रोशीतील जनतेने या “महारक्तदान” शिबीराला आणि “आबलोली भूषण” पुरस्कार वितरण सोहळ्याला वेळेत उपस्थित रहावे, असे आवाहन निर्मल ग्रामपंचायत आबलोलीचे सरपंच, उपसरपंच, ग्रामपंचायत सदस्य, अधिकारी, कर्मचारी, ग्रामस्थ यांनी प्रसिद्धी पत्रकाद्वारे केले आहे.