पावस : मद्याच्या नशेत महिलेला शिवीगाळ व मारहाण करून कोयतीने दुखापत करणाऱ्या संशयिताविरुद्ध पूर्णगड सागरी सुरक्षा पोलिस ठाण्यात गुन्हा दाखल करण्यात आला आहे. चंदन चंद्रकांत पावसकर (वय ३१) असे संशयिताचे नाव आहे. ही घटना बुधवारी (ता. २२) सायंकाळी घडली.
पोलिसांकडून मिळालेल्या माहितीनुसार, फिर्यादी महिला यांची मावशी राहत असलेली जागा नावावर करून देण्याच्या कारणावरून संशयिताने मद्याच्या नशेत फिर्यादी यांच्या मावशीला लाथाबुक्क्यांनी मारहाण केली व कोयतीने दुखापत केली. याप्रकरणी फिर्यादी महिलेने सागरी सुरक्षा पोलिस ठाण्यात तक्रार दिली. तक्रारीवरून पोलिसांनी संशयिताविरुद्ध गुन्हा दाखल केला.
पावस येथे महिलेला लाथाबुक्क्यांनी मारहाणप्रकरणी संशयिताविरुद्ध गुन्हा
