मत्स्यविभागाकडून मिरकरवाडा येथील मासळी विक्रेत्यांना इशारा
रत्नागिरी:-मिरकरवाडा मत्स्यबंदरातील किरकोळ मासळी विक्रेत्यांनी त्यांना नेमून दिलेल्या जागेतच बसावे अन्यथा कारवाई करण्याचा इशारा मत्स्यविभागाकडून देण्यात आला आह़े. मिरकरवाडा बंदरात मासळी विक्रीसाठी किरकोळ व घाऊक विक्रेते अन्यत्र बसत असल्याचा प्रकार समोर आला होत़ा. याची गंभीर दखल मत्स्यविभागाकडून घेण्यात आल़ी. पोलिसांचा बंदोबस्त लावून कारवाई करण्याचा इशारा देण्यात आल़ा.
मिरकरवाडा बंदर परिसरात यासंबंधीची नोटीस सर्वत्र लावण्यात आल्या होत्य़ा. तसेच सोमवारी पोलिसांचा फौजफाटा मिरकरवाडा बंदरात दिसून आल़ा. नोटीसीमधील माहितीनुसार मिरकरवाडा मत्स्यबंदरातील किरकोळ मासळी विक्रेत्यांनी विक्रीसाठी मच्छीमार्केटमध्येच बसावे, तसेच घाऊक विक्रेत्यांनी त्यांना नेमुन दिलेल्या जागी बसून विक्री करावी, अन्यथा आपल्याविरुद्ध पोलीस बंदोबस्त घेवून कारवाई केली जाईल तसेच मासळी जप्त करण्यात येईल असा इशारा पोलिसांकडून देण्यात आला आह़े.
