खेडमध्ये दोन दुचाकीच्या अपघातात दोघे जखमी

खेड /प्रतिनिधी:-मुंबई -गोवा महामार्गावर भरणे काळकाई मंदिरासमोर सोमवारी सकाळी 12.45 वाजण्याच्या सुमारास दोन दुचाकींच्या अपघातात दोन्ही दुचाकीस्वार जखमी झाले. सामाजिक कार्यकर्ते सुरज हंबीर यांनी तातडीने उपचारासाठी कळंबणी उपजिल्हा रुग्णालयात दाखल केले.

फहेद अब्दुल्ला काझी (33, रा. आंजर्ले), प्रकाश रामचंद्र पिंपळकर (55, वेरळ) अशी जखमींची नावे आहेत. दोन्ही दुचाकींची समोरासमोर धडक बसून अपघात घडला. अपघाताचे वृत्त कळताच स्थानिक पोलीस घटनास्थळी पोहोचले. अपघाताचा पंचनामा करत सायंकाळी उशिरापर्यंत गुन्हा दाखल करण्याची प्रक्रिया सुरू होती.