रत्नागिरी : गोगटे-जोगळेकर महाविद्यालय (स्वायत्त), रत्नागिरी येथील इतिहास विभागातर्फे मोडी लिपी प्रशिक्षण वर्गाचे आयोजन केले आहे. महाराष्ट्र शासनाच्या पुराभिलेख संचालनालय (मुंबई) यांच्या सहकार्याने आयोजित या वर्गामध्ये मोडीलिपीचा इतिहास, अक्षरओळख, वाचन व लेखन याबाबत तज्ज्ञ मार्गदर्शन केले जाणार आहे. प्रशिक्षण वर्ग सर्वांसाठी खुला असून, यशस्वीरित्या प्रशिक्षण पूर्ण करणाऱ्या व परीक्षा उत्तीर्ण होणाऱ्या प्रशिक्षणार्थींना महाराष्ट्र शासनाच्या पुराभिलेख संचालनालयामार्फत प्रमाणपत्र देण्यात येईल. मोडी लिपी प्रशिक्षण वर्ग २० ते ३० जानेवारी या कालावधीत संध्याकाळी ४ ते ६ या वेळेत महाविद्यालयात होईल. मोजक्या जागाच उपलब्ध असल्याने इच्छुकांनी त्वरित नावनोंदणी करावी. मोडी लिपी प्रशिक्षण वर्गाविषयी अधिक माहितीसाठी व नावनोंदणीसाठी प्रा. पंकज घाटे, इतिहास विभाग यांच्याशी संपर्क साधावा.
गोगटे जोगळेकर महाविद्यालयात मोडी लिपी प्रशिक्षण वर्गाचे आयोजन
