रत्नागिरी : राष्ट्रवादी काँग्रेस शरद पवार पक्षाचे प्रदेश उपाध्यक्ष आणि ज्येष्ठ नेते सुहास वामन उर्फ कुमार शेटये याचे चार दिवसांपूर्वी निधन झाले होते. राष्ट्रवादी काँग्रेसचे प्रदेशाध्यक्ष जयंत पाटील यांनी सोमवारी दुपारी रत्नागिरीतील शिरगाव येथे दिवंगत कुमार शेटये यांच्या घरी भेट त्यांच्या कुटुंबाचे सांत्वन केलं. तसेच कुमार शेटये यांच्या आठवणींना उजाळा दिला.
कुमार शेटये यांच्यासारखा निष्ठावंत, प्रामाणिक, आणि शरद पवार साहेब यांच्यावर निष्ठा असणारा एक मोठा नेता आमच्या पक्षाने गमावला आहे. त्यांची पोकळी आम्हाला कायम जाणवेल, आशा भावना जयंत पाटील यांनी यावेळी व्यक्त केल्या. यावेळी राष्ट्रवादीचे जिल्हाध्यक्ष बारक्याशेठ बने, बशीर मुर्तूझा, नलिनी भुवड, नीलेश भोसले व इतर पदाधिकारी, कार्यकर्ते उपस्थित होते. दरम्यान राष्ट्रवादी काँग्रेसचे संस्थापक खासदार शरद पवार यांनी कुमार शेटये यांच्या निधनाबद्दल शोक व्यक्त केला. शेटये यांचे चिरंजीव सुरज शेटये यांना तत्काळ पत्र पाठवून श्रद्धांजली वाहिली होती.
