मराठी पत्रकार परिषद, शाखा लांजाचे आयोजन
लांजा:-मराठी पत्रकार परिषद शाखा लांजा च्यावतीने पत्रकार स्वर्गीय जगदीश कदम यांच्या स्मृतीप्रित्यर्थ ६ जानेवारी पत्रकार दिनानिमित्त लांजा तालुकास्तरीय निबंध स्पर्धेचे आयोजन करण्यात आले आहे.
सदर निबंध स्पर्धा लांजा तालुका शालेय स्तरावर होणार असून प्राथमिक गट इयत्ता ४ थी ते ७ वी तर माध्यमिक गट इयत्ता ८ वी ते १० वी असा असणार आहे. निबंधासाठी प्राथमिक गट भारतातील विज्ञान भरारी, मी आणि माझी आदर्श शाळा, वाचन चळवळीतून समृद्धीकडे व माध्यमिक गटासाठी लांजा तालुका- काल, आज आणि उद्या, नव्या शैक्षणिक धोरणातील आजचा विद्यार्थी, महिला सक्षमीकरण काळाची गरज असे विषय स्पर्धकांना देण्यात आले आहेत.
निबंध १५० ते २०० शब्द मर्यादेपर्यंत असावा. निबंध स्पर्धेत प्राथमिक व माध्यमिक गटामध्ये प्रथम, द्वितीय व तृतीय क्रमांक पटकावणाऱ्या स्पर्धकांना रोख रुपये ११११, ७७७, ५५५ व प्रत्येकी सन्मानचिन्ह व प्रशस्तीपत्रक देऊन मान्यवरांच्याहस्ते गौरविण्यात येणार आहे.
निबंध पाठविण्याची अंतिम तारीख ३ जानेवारी २०२५ असून निबंध स्वहस्ताक्षरात लिहून संतोष कोत्रे, दै.प्रहार कार्यालय, लांजा येथे जमा करावे व स्पर्धेच्या अधिक माहितीसाठी प्रविण कांबळे ८७८८६३३१६२, नसिर मुजावर ९७६३९८४७७७, ऋषिकेश बेर्डे ९३७३५०५७७३ यांच्याशी संपर्क करावा असे आवाहन मराठी पत्रकार परिषदेचे तालुका अध्यक्ष सिराज नेवरेकर, उपाध्यक्ष रवींद्र साळावी, कार्याध्यक्ष संजय साळवी यांनी केले आहे.
