आरोग्य : मोरिंगा म्हणजेच शेवग्याची शेंग! ज्याचे आपल्या शरीराला खूप फायदे असतात आणि म्हणूनच सध्या एक हेल्दी फूड म्हणून ही भाजी प्रसिद्ध होत आहे. आपल्या आहारात शेवग्याच्या पावडरचा समावेश केल्याने अनेक आरोग्यविषयक फायदे होतात. यामध्ये जीवनसत्त्वे, खनिजे, फायबर आणि अँटीऑक्सिडंट्स मुबलक प्रमाणात असतात.
ज्यामुळे पचनसंस्था सुधारते आणि रोगप्रतिकारक शक्ती वाढते. शेवग्याची पावडर किडनीला डिटॉक्स करण्यात प्रभावी आहे आणि तिचे कार्य चांगले राहण्यास मदत करते. चला, किडनीसाठी शेवग्याच्या पावडरचे फायदे आणि त्याचा वापर कसा करावा, याबद्दल सविस्तर जाणून घेऊया.
शेवग्याच्या पावडरमध्ये आइसोथियोसायनेट्ससारखे अँटी-इंफ्लेमेटरी घटक असतात, जे किडनीतील सूज कमी करण्यात मदत करतात. यामुळे किडनीच्या पेशींचे संरक्षण होते आणि तिच्या कार्यक्षमतेत सुधारणा होते.
शेवग्याची पावडर नैसर्गिक मूत्रवर्धक म्हणून कार्य करते, ज्यामुळे शरीरातील विषारी घटक आणि अपायकारक पदार्थ बाहेर टाकले जातात. यामुळे किडनीवरील ताण कमी होतो आणि किडनी स्वच्छ राहते. डिटॉक्स प्रक्रियेत सुधारणा करून, किडनीचे कार्य सुरळीत होते.
शेवग्याच्या पावडरमध्ये अँटीऑक्सिडंट्स भरपूर प्रमाणात असतात, जे किडनीला ऑक्सिडेटिव्ह स्ट्रेसपासून संरक्षण देतात. फ्री रॅडिकल्समुळे होणारा त्रास कमी करून, शेवग्याची पावडर किडनीच्या आरोग्यासाठी एक ढाल म्हणून कार्य करते. यामुळे किडनीशी संबंधित आजार होण्याचा धोका कमी होतो.
शेवग्याच्या पावडरमध्ये अँटी-बॅक्टेरियल गुणधर्म असतात, जे युरीनरी ट्रॅक्ट इन्फेक्शन (UTI) कमी करण्यात मदत करतात. हे गुणधर्म युरीनरी ट्रॅक्टमधील बॅक्टेरियाचा प्रादुर्भाव रोखतात, ज्यामुळे किडनीच्या आरोग्यावर होणारा नकारात्मक परिणाम टाळता येतो.
पराठे बनवा
आपल्या रोजच्या आहारातील गव्हाच्या पिठात शेवग्याची पावडर मिसळून त्या पासुन रोट्या वा पराठे बनवा.
सलाडसोबत खा
आपल्या हिरव्या पालेभाज्यांच्या किंवा फळांच्या सलाडमध्ये शेवग्याची पावडर टाका.
गरम पाण्यासोबत घ्या
एक कप गरम पाण्यात शेवग्याची पावडर मिसळा आणि त्याचा चहा किंवा पेय म्हणून आस्वाद घ्या.
भाजीत वापर
रोजच्या भाज्यांमध्ये शेवग्याची पावडर घालून त्याला पोषणमूल्य वाढवा.
शेवग्याची पावडर नियमित आणि ठराविक प्रमाणात घेतल्यास फायदेशीर ठरते. जर आपल्याला किडनीशी संबंधित कोणताही आजार असेल, तर डॉक्टरांचा सल्ला घेऊनच शेवग्याच्या पावडरचा वापर करा. योग्य प्रमाण आणि पद्धतीने याचा वापर केल्यास, किडनीचे आरोग्य सुधारण्यास नक्कीच मदत होईल.
(टीप- सदर लेख हा मिळालेल्या माहितीवर आधारित असून कोणतेही उपचार करण्यापूर्वी डॉक्टरांचा सल्ला जरूर घ्यावा.)
