राजापुरातील वृध्द बेपत्ता, आढळून आल्यास पोलिसांशी संपर्क साधण्याचे आवाहन

तुषार पाचलकर / राजापूर

जयप्रकाश शिवराम कदम वय वर्ष 67 शिक्षण 7 वी जात हिंदू -मराठा रंग काळा-सावळा उंची 5फूट 6 इंच ही व्यक्ती लॉकडाऊन नंतर 2021 दादर, मुंबई येथील दुकानातील कामं सोडून मी लांजा जिल्हा रत्नागिरी येथे कामं शोधण्यासाठी जातो असे सांगून गेले आहेत ते अद्याप परतले नसल्याची तक्रार त्यांची पत्नी जयश्री सीताराम कदम यांनी पोलिसांत दाखल केली आहे.

राजापूर तालुक्यातील मूर गावचे नारकर वाडीतील असलेले सिताराम कदम यांचं सध्याचे वास्तव्य आरेगाव हनुमान नगर डोंबिवली येथे आहे. याबाबत अधिक तपास पोलीस हेड कॉ. कमलाकर तळेकर करीत असून जर ही व्यक्ती कुठे आढळून आली तर जवळच्या पोलिस स्थानकात संपर्क साधण्याचे आवाहन राजापूर पोलीस स्थानकाच्या वतीने करण्यात आले आहे.