मुंबई:-साऊथ सुपरस्टार अल्लू अर्जुन आणि रश्मिका मंदाना यांच्या बहुचर्चित ‘पुष्पा 2’ या चित्रपटाने प्रदर्शनापूर्वीच छप्परफाड कमाई केली आहे. अमेरिकेतील प्रीमियर शोच्या तिकीट विक्रीतून या चित्रपटाने प्रदर्शनापूर्वीच दहा लाख डॉलरहून अधिक कमाई केली आहे.
अमेरिकेत ‘पुष्पा 2’ या चित्रपटाचा प्रीमियर 4 डिसेंबरला होणार असून ऍडव्हान्स तिकीट बुकिंगसाठी प्रेक्षकांच्या उडय़ा पडत आहेत. आतापर्यंत अमेरिकेतील 850 लोकेशनवर या चित्रपटाची 40 हजार तिकिटे विकली गेली असून यातून निर्मात्यांनी दहा लाख डॉलरहून अधिक कमाई केली आहे. हिंदुस्थानात हा चित्रपट 5 डिसेंबरला प्रदर्शित होणार असून या चित्रपटाचे डिजिटल राइट्स नेटफ्लिक्सने तब्बल 275 कोटींना खरेदी केले आहेत.
