नवी मुंबई : 14 नोव्हेंबर रोजी दरवर्षी प्रमाणे बालदिना निमित्ताने शिक्षक ध्येय कडून राज्यस्तरीय चित्रकला स्पर्धा घेण्यात आली. अ, ब आणि क अशा तीन गटात ही स्पर्धा घेण्यात आली. इयत्ता चौथीमध्ये शिकणाऱ्या सार्थक मकरंद चव्हाण याने या राज्यस्तरीय चित्रकला स्पर्धेत अ गटातून प्रथम क्रमांक पटकावत या वर्षीचा बालचित्रकार पुरस्कार मिळवला आहे.
सार्थक सध्या नवी मुंबई इथे सेंट आँगस्टीन स्कूल, नेरूळ येथे शिकत असून तो मुळचा रत्नागिरी जिल्ह्यातील देवरुख जवळच किरदाडी गावचा रहिवासी आहे.
चित्रकले प्रमाणे सार्थक ने विविध स्काँलरशिप परिक्षांमध्ये मेरिट मिळविले आहे. विशेष म्हणजे अवघ्या 9 वर्षाच्या सार्थक ने राज्यस्तरीय बालचित्रकार पुरस्कार तिसऱ्यांदा मिळवत नवा विक्रम केला आहे.
सार्थकच्या या यशाबद्दल त्याचे शिक्षक, पालक आणि सर्वच स्तरावरून त्याच्यावर कौतुकाचा वर्षाव केला जात आहे.