रत्नागिरी:-शहरातील मांडवी येथील ऐंशी फुटी हायवे वरील एका इमारतीच्या गॅलरीला शॉर्टसर्किटमुळे आग लागल्याची घटना बुधवारी दुपारी 1.30 च्या सुमारास घडली. आगीमध्ये गॅलरीतील साहित्य जळून खाक झाले. रत्नागिरी नगर परिषद अग्निशमन दलाने तासाभरात ही आग नियंत्रणात आणली.
क्षितीज अर्पार्टमेंट येथील रहिवासी हनिफ खान यांनी इमारतीच्या गॅलरीला शॉर्टसर्किटमुळे आग लागल्याचे माहिती रत्नागिरी नगर परिषदेच्या अग्निशमन दलाला देण्यात आली होती. त्यानुसार अग्निशमन दलाचे पथक तातडीने घटनास्थळी दाखल झाले. यानंतर तासाभराच्या प्रयत्नानंतर ही आग आटोक्यात आणण्यात अग्निशमन दलाला यश आले. या पथकातील शिवम शिवलकर, संकेत पिलणकर, नरेश माहिते, सुरज पवार, रोहन घोसाळे यांनी मेहनत घेतली
