मुंबई-गोवा महामार्गावर वांद्री येथील घटना
संगमेश्वर:-मुंबईहून राजापुरात मतदानासाठी जाणाऱ्या लक्झरीला नुकताच अपघात झाला. हा अपघात मुंबई – गोवा महामार्गावरील वांद्री येथे व्हॅगनार कारने लक्झरीला धडक दिल्याने झाला.या अपघातात व्हॅगनार कार मधील महिला प्रवासी किरकोळ जखमी झाली आहे.
सविस्तर वृत्त असे की, व्हॅगनार MH 04 FZ 4247 वेंगुर्ले हून डोंबिवली च्या दिशेने वाहन चालक शेखर गणपत दाभोलकर वय 54 हे घेऊन जात होते.त्याच वेळी समोरून लक्झरी MH 01 C 0734 मुंबईतून राजापूरला जात असताना मुंबई गोवा महामार्गावर वांद्री भंडारवाडी येथे हा अपघात सकाळी 8.30 वाजता झाला.लक्झरी मुंबईतून राजापूरला मतदान साठी मतदारांना घेऊन जात होती. याचवेळी रत्नागिरीहून संगमेश्वरच्या दिशेने कार चालली होती. वांद्री येथे कार चालकाचा गाडीवरील ताबा सुटल्याने लक्झरिला समोरून धडक दिली. यामध्ये लक्झरीचे दर्शनी भागाचे नुकसान झाले आहे. या अपघातात कोणीही जखमी झाले नाही. अपघातानंतर येथील ग्रामस्थांनी मदतीसाठी धाव घेतली.
