रत्नागिरी:-शहरानजीकच्या जे. के. फाईल्स ते साळवी स्टॉप मार्गावर रिक्षा व ट्रक यांच्यात भीषण अपघात झाला. या अपघातात रिक्षाचे मोठे नुकसान झाले आहे. सुदैवाने यामध्ये कोणतीही जीवितहानी झाली नाही.
कुवारबावकडून मारुतीमंदिरच्या दिशेने जाणाऱ्या रिक्षा चालकाचे नियंत्रण सुटल्याने रिक्षा विरुद्ध बाजूला गेली. रिक्षा (क्र. एमएच- 08, एक्यू- 0617 ) ला रत्नागिरी शहराकडून येणाऱ्या (एमएच-08 एपी- 7434) या ट्रकची जोरदार धडक बसली. ही धडक एवढी जोरदार होती, की रिक्षा जागेवर उलटून रिक्षाच्या टबमध्ये ट्रकचे बोनेट घुसले होते. या अपघातावेळी रिक्षामध्ये चालक व एक पॅसेंजर होते. यात चालक व पॅसेंजर किरकोळ जखमी झाले आहेत.
