मुंबई विद्यापीठ वेटलिप्टींग स्पर्धेत जाधव फिटनेस ऍकेडमीच्या पार्थ हेमंत जाधव याला रौप्य पदक

रत्नागिरी : मुंबई विद्यापीठ वेटलिप्टींग स्पर्धा दि. ११ ते १२ नोव्हेंबर रोजी आर.डी. नॅशनल महाविद्यालय ब्रांदा मुंबई येथे संपन्न झाल्या. या स्पर्धेत जाधव फिटनेस ऍकेडमीच्या पार्थ हेमंत जाधव यांने गोगटे जोगळेकर कॉलेज तर्फे सहभाग घेतला होता. पार्थ बी.ए. च्या प्रथम वर्गात असून त्यानें ५५ किलो वजनी गटात सहभागी होवून स्नॅच ६० किलो व क्लिक ऍड जॅक ८३ उचलून टोटल १४३ करून रौप्य पदक मिळवले. वजन मँनेज करण्याच्या प्रयत्नांत सुवर्ण पदक ७ किलोने हुकले. त्याची पुढील स्पर्धेसाठी निवड करण्यात आली. हेमंत जाधव स्वतः वेटलिंप्टर व पॉवरलिप्टर असल्यामुळे त्यांच्या मार्गदर्शनाखाली पार्थ सराव करत असून भविष्यात रत्नागिरी जिल्ह्याला वेटलिप्टींगमध्ये छत्रपती पुरस्कार मिळवून देण्याचा ऍकेडमीचा प्रयत्न असणार आहे. त्याला डॉ. विनोद शिंदे, मदन भास्करेसर, जिम ट्रेनर शुभम जोशी व ऍकेडमी डायरेक्ट हेमंत जाधव यांचे मार्गदर्शन लाभले. त्याला जिल्हा वेटलिप्टींग असोसिएशनचे नेहमीच सहकार्य असते. ऍकेडमी मागदर्शन उदय सामंत व ऍकेडमी अध्यक्ष भैय्याशेठ सामंत यांनी पार्थचे अभिनंदन केले असून पुढील वाटचालीला नेहमी प्रमाणेच सहकार्य करणार आहेत. ऍकेडमी अशा गुणवंत विद्यार्थ्यांच्या भवितव्याचा प्रश्न वरील मान्यवरांच्या तर्फे सोडविणार आहे