चिपळूण:-चिपळूण विधानसभा निवडणुकीच्या पार्श्वभूमीवर चिपळूण काँग्रेसची महत्त्वाची बैठक बुधवारी, दि. १३ नोव्हेंबर रोजी सकाळी ११ वाजता हॉटेल अभिरुची येथे आयोजित करण्यात आली आहे.
बैठकीत बी. एल. ए. तसेच बूथ अध्यक्ष नेमण्याबाबत चर्चा करणे तसेच निवडणुकीच्या प्रचारयंत्रणेचा आढावा घेणे तसेच प्रचारात महाविकास आघाडी म्हणून आपले पदाधिकारी ग्रामीण भागात कुठपर्यंत पोहोचले याचा आढावा घेणे अशा स्वरूपाचे कामकाज होईल. पुढील रणनीती आखण्याबाबतही विचार करण्यात येणार आहे.
बैठकीत निवडणुकीमध्ये पक्षाच्या पदाधिकारी व सभासद यांना विश्वासात घेऊन नवीन सभासद वाढवणे व पक्ष संघटना मजबूत करणे आदी महत्त्वाच्या विषयांवर चर्चा करण्यात येणार आहे. यावेळी काँग्रेसचे नेते सहदेव बेटकर व अन्य मान्यवर उपस्थित राहणार आहेत. काँग्रेस पक्षाचे सर्व सेलचे आजी-माजी पदाधिकारी कार्यकर्त्यांनी आवर्जून उपस्थित राहावे, असे आवाहन चिपळूण तालुकाध्यक्ष लियाकत शाह, संगमेश्वर तालुकाध्यक्ष दत्ता परकार यांनी केले आहे.
