सावर्डे येथे रस्ता ओलांडणाऱ्या वृध्दाला धडक दिल्याप्रकरणी कारचालकावर गुन्हा

चिपळूण:-सावर्डे येथील आठवडा बाजारपेठेत रस्ता ओलांडणाऱ्या एका वृध्दाला कारने धडक दिल्याची घटना रविवारी सकाळी 10 वाजण्याच्या सुमारास घडली. यात ते जखमी झाले आहेत. याप्रकरणी त्या कारचालकावर सावर्डे पोलीस ठाण्यात गुन्हा दाखल करण्यात आला आहे. संतोष रामदास चाळके (लांजा) असे गुन्हा दाखल झालेल्याचे नाव आहे. याबाबतची फिर्याद पांडुरंग सोमा जोशी (50, नांदगाव) यांनी दिली आहे. तसेच सोमा बाळ जोशी (80, नांदगाव) हे जखमी झाले आहेत. जखमी सोमा जोशी हे मुंबई-गोवा महामार्गावरील सावर्डे बाजारपेठ आठवडा बाजार येथे रस्ता ओलांडत असताना हा अपघात घडला होता. या प्रकरणी संतोष चाळके याच्यावर गुन्हा दाखल करण्यात आला आहे.