महाविकास आघाडीचे उमेदवार प्रशांत यादव यांना मतदान करण्यासाठी स्मिता चव्हाण मतदारांना घालताहेत साद
चिपळूण : चिपळूण-संगमेश्वर विधानसभा मतदारसंघातील महाविकास आघाडीचे उमेदवार प्रशांत यादव यांचा प्रचार आघाडीचे नेते पदाधिकारी व कार्यकर्ते घरोघरी जाऊन करीत आहेत. यामध्ये यादव यांच्या सासूबाई, चिपळूण नागरीच्या ज्येष्ठ संचालिका स्मिता चव्हाण या देखील मागे नाहीत. मतदार बंधू-भगिनींना प्रचार पत्रके देऊन यादव यांना मतदान करण्यासाठी साद घालत आहेत.
महाविकास आघाडीचे उमेदवार प्रशांत यादव यांच्या प्रचारार्थ छोटया-छोट्या सभा पार पडत आहेत. शुक्रवारी इंदिरा गांधी सांस्कृतिक केंद्रासमोरील मैदानात राष्ट्रवादी काँग्रेस पार्टी शरदचंद्र पवार पक्षाचे प्रदेशाध्यक्ष जयंत पाटील यांची सभा पार पडली. तर दुसरीकडे महाविकास आघाडीचे नेते, पदाधिकारी व कार्यकर्ते मतदारांशी संवाद साधून मतदारांना यादव यांना मतदान करण्याचे आवाहन करीत आहेत. यादव यांच्या सासूबाई स्मिता चव्हाण या देखील आता जावई यादव यांच्यासाठी प्रचारात उतरल्या आहेत. त्यांनी शहरातील मतदारांशी संवाद साधत प्रचार पत्रके देत असतांना मतदारांची आस्थेने विचारपूस करीत यादव यांना मतदान करण्याची साद घालत आहेत. स्मिता चव्हाण यांच्या प्रचारफेरीला उत्स्फूर्त प्रतिसादही मिळत आहे. यावेळी महाविकास आघाडीचे पदाधिकारी व कार्यकर्ते बहुसंख्येने उपस्थित होते.
